Ostegun honetan, urriak 27, Sega Sound Killers taldea izango da Arrasateko gaztetxean 22:00etan, Kooltur Ostegunak ekimenaren barruan. Pasaia eta Donostialdeko taldeak musika elektroniko, indartsu, gordin eta milimetrora planifikatutako zuzenekoa eskainiko du.
SSK-k Dolu bigarren disko luzea kaleratu zuen pandemian, "hondamendiaren erdian", eta horixe bera aurkeztuko dute, "argi baino ilunekin", Arrasaten. Proiektuaren atzean dago, esaterako, Matxet Altolagirre, nortasun, irudimen eta basakeria dezentekoa zuten Jousilouli, NaizRoxa zein Anai-Arrebak taldeen gidari eta frontman-a.