Klubetik adierazi dute "meritu handiko hirugarren postua" lortu zuela Madinabeitiak, Estatuko eta nazioarteko lehietan dominak eskuratu izan dituztenekin borrokatu baitzuen.
Txapeldunordea izango zenaren aurka borroka berdindua egin zuen arrasatearrak, baina xehetasun txikiengatik ihes egin zion garaipenak. Lan horri esker, Liga Nazionaleko egungo txapeldunordearen aurka jokatzeko aukera izan zuen, eta, "borroka on eta sendo bat" egin ondoren, azkenean irabazi eta hirugarren postuarekin egin zen.
Hori horrela, hurrengo txapelketei sasoi fisiko "ezin hobean" egingo die aurre. Hasteko, larunbat honetan, urriak 29, Zornotzan dauka hitzordua.