Azaroaren 5ean eta 6an, haitz eskalada ikastaroa eskainiko du Besaide Mendizale Elkarteak Araotzen, eta interesa dutenek gaur, bihar edo azaroaren 2an eman beharko dute izena Besaideren bulegoan. Bazkideendako prezioa 65 eurokoa izango eta bazkide ez direnentzat, 90 eurokoa. Federatuta ez daudenek, halaber, bederatzi euro gehiago ordaindu beharko dute.
Haitzean eskalatzen ikasteko hastapen saioak izango dira. "Eskalatzen ikasteaz gain, luzeak era autonomoan egin ahal izateko teknika espezifikoetan ere trebatuko zarete", azaldu dute elkartetik.
Hastapen ikastaroak izan arren, gutxieneko batzuk eskatzen dituzte antolatzaileek: "GRI-GRIak aseguratzen jakitea, IV. graduko bide bat aurrez eskalatu izana edo saiatzeko beldurrik ez izatea".
Prezioan, bestalde, norbanakoaren materiala eta eskalatzeko materiala sartuko dira. Garraioa, edaria eta janaria, berriz, norberak kudeatu beharko ditu.
