Entseatu nire salmenta Arrasateko Udalak bultzatuko ikastaroa da – Gabonetako kanpainaren aurretik– eta prestatzailea Iurgi Etxebarria izango da.
Ikastaroa elkar ezagutzeko, konfiantza eragiteko eta beldurrak ahazteko jolasekin hasiko da. Hausnartzeko ariketa fisikoak egingo dira –giza jokabideari eta elkarrekiko erlazioei buruz–. Interpretazioaren eta bizitza errealaren arteko loturaren onurak ezagutuko dira. Eta, azkenik, hezitzaileak partaideen idiosinkrasia, jardunaldia, egoerak eta proposamenak jasoko ditu inprobisazioak diseinatzeko.
Partaideek eszenak antzeztearen helburua da: nork bere burua ezagutzea, rol berriak garatzea, harremanak izateko era ezberdinak bizitzea, eta teknika barneratzea etorkizunean dendan gertatzen denari etekina ateratzeko.
Azaroaren 3a baino lehen eman behar da izena Arrasateko Udalaren webgunean; taldea osatzeko gutxienez sei lagun gura dira eta gehienez 18 onartuko dituzte.
