Maria Ubarretxena Arrasateko alkatea Europako Alderdi Demokrataren (PDE) kongresuan izan da, Erroman, EAJren beste ordezkari batzuekin.
Euzko Alderdi Jeltzaleko delegaritza osatu dute EAJko presidente eta Europako Alderdi Demokrataren presidenteorde exekutibo Andoni Ortuzarrek, Bizkai Buru Batzarraren presidente Itxaso Atutxak, Kanpo Ekintza Gaietarako burukide arduradun Mikel Burzakok, Europako Parlamentuan EAJ-PNVren ordezkari eta diputatu Izaskun Bilbao Barandikak, PDEren idazkari nagusi Jose Mari Etxebarriak eta EAJko lau alkatek –Juan Mari Aburto (Bilbo), Amaia Agirre (Getxo), Ander Añibarro (Laudio) eta Maria Ubarretxena (Arrasate)–. Lau alkateek PDEren kongresuaren baitan egin den Alkateen Gailurrean parte hartu dute. Europako toki agintariek udal kudeaketaren oraingo arazoak aztertu eta etorkizuneko erronkak jorratu dituzte.
