Saioaren helburua da herritarrei beharrezko informazioa lortzen laguntzea, "eskubideak, ondasunak eta zerbitzuak eskuratzea galaraz dezaketen oztopoak kentzeko", Udal Gobernuaren esanetan. Hala, saioak atzerritarrei zein atzerritarrekin familia edo lan-harremanak dituztenei zuzenduta daude.
Hitzaldia Biltzenek egingo du, Eusko Jaurlaritzako Atzerritartasun arloko Laguntza Juridikoko Zerbitzuak. Informazio praktikoa emango dute atzerritarren erregularizazioari eta haien bizitzako hainbat eremutan duten eraginari buruz. Honako gai hauei buruz hitz egingo dute: bizileku- eta lan-baimenak, berritzeak, familia-elkartzeak, ikasketengatiko egonaldiak, gizarte- eta lan-errotzeagatiko erregularizazioa, erkidegoko pertsonen eta haien senideen araudia, nazionalitaterako sarbidea, besteak beste. 2022 erregelamenduaren erreformaren berrikuntzak ere azalduko dituzte.
Informazio gehiagorako, deitu 943 25 20 07 telefono zenbakira.