Mondragon Unibertsitateak doako kontzertua antolatu du Arrasaten, urriaren 14rako, Iturripe eremuan. Zetak, Skakeitan eta Mugi Pandero musika taldeak arituko dira bertan. Unibertsitateak 25. urteurrena ospatzeko ikasturte honetan antolatuko dituen ekitaldietako bat da hori.
Kontzertua doan izango da, eta 18:30ean hasiko da, Mugi Panderoren emanaldiarekin. Ondoren, Skakeitan arituko da, 21:00etan, eta, azkenik, Zetak taldeak jardungo du, 23:00etatik 00:30era arte, ekitaldiari amaiera emateko.
Kontzertuan, food-truck furgonetak egongo dira Iturripeko eremuan, janaria eta edaria saltzeko.