Ezohiko ordutegian jokatuko du Mondrak oraingo aste bukaeran, Cristian Matiasen mutilek domeka arratsaldean (18:00) hartuko dute-eta ligan partidu guztiak (4) irabazi dituen Añorga. Aretxabaletak ere talde indartsua hartuko du Ibarran (domeka, 16:30), hiru partidu irabazi dituen Eibar, hain zuzen ere. Eta Aloña Mendi eta Bergarak, berriz, kanpoan jokatuko dute. Txantxikuak ere oso ondo hasi dira, eta Oiartzunen jokatuko dute zapatuan (15:45).
Eta bergararrak Lesakaraino joango dira zapatuan 17:00etan Beti gazteren kontra jokatzeko. Hala, orain artean oñatiarrak dira egindako liga hasierarekin pozik egon daitezkeen bakarrak, Añorgaren atzetik eurak daude-eta bigarren postuan.
Emakumezkoek ere etxean
Bergarak eta Leintz Arizmendik ere etxean jokatuko dute. Hain jutu ere, Tolosaren kontra bergararrek, zapatuan, 12:00etan, Agorrosinen. Eta Leintz Arizmendikoek Ostadarren kontra (domeka, 11:30).