Arrasateko Udalak, Gipuzkoako Foru Aldundiarekin elkarlanean, helduei zuzendutako ikastaroa eskainiko du urriaren 11n, 13an, 18an eta 20an, bizikletan ibiltzen ikasteko. Musakolako kiroldegian egingo dute, 18:00tatik 19:30tara.
Ez da beharrezkoa izango bizikleta edukitzea. Izan ere, izena ematerakoan bizikleta behar dela adieraziz gero, bat utziko diete parte-hartzaileei, ikastaroan erabiltzeko.
Izena emateko, berriz, hiru aukera daude: BAZen, Musakolako kiroldegian edo udal webgunean.