Auzoko iturri bakarra zela salatu dute eta oraindik ez dutela jarri berria. "Ia urtebete da eskaera egin genuenetik eta prentsarengana jo behar dugu Udal Gobernuak gure mezuei erantzuteko", adierazi dute.
Era berean, pasealekutik institutura doazen eskaileretan baranda jartzeko eskaera ere egin dute. "Dagoeneko badira batzuk malda horretan erori direnak eta eskaera hau ere jasota dugu udaletxean. Hala ere, honi ere ez digute erantzun".
Azaldu dutenez, Avesantes elkartea sortu zen momentutik agertu da prest, Udal Gobernuarekin elkarlanean, auzoa hobetzeko. "Eskatu izan zaigun guztiari errespetuz erantzun izan diogu orain arte. Hori dela eta, uste dugu erantzun bat, gutxienez, merezi dugula. Gainera, eskatzen duguna ez da beste munduko ezer, auzorako hobekuntza txiki bat baizik", nabarmendu dute.