The Casanovas Melbourneko (Australia) hirukotea da eta 1999an murgildu ziren musika munduan. "Europan bira bat egingo du eta gurean eskainiko dute Euskal Herriko kontzertu bakarra. Australiako taldeen ezaugarriak dituzte oinarrian, baina ibilbidean zehar hard-rockera egin dute. Nazioarteko bisita rockzalea, bada, lehenengo kontzertuan", azaldu du Kooltur Ekintzak taldeko Iker Barandiaranek.
Bartzelonakoa eta euskaldunak
Eskarmentuko musikariek pandemian sortutako Bartzelonako Againsters izango da hurrengo astean, punk rock-and-roll bizia eskaintzeko.
Talde euskaldunek hartuko dute lekukoa gero: Bilboko Feline izango da urriaren 20an eta Donostia eta Pasaia inguruko Sega Sound Killers azken eguenean. " Rocka, punk ukituekin, egiten dute Bilbokoek eta elektronika basatia da, berriz, azken asteko gonbidatuen ikurra".
