Era berean, komunikabideei ere eskerrak eman dizkiete kontseiluko kideek, antolatutako ekitaldi guztiei hedapena egin izanagatik. "Ibai-arte eta Ozenki elkarteei ere eskerrak, Adinekoen Nazioarteko Eguneko jai-ekitaldi guztietan egindako ekarpenagatik, baita Abaroako abesbatzari, Arrasate Musikali, Bastida akademiari eta abarrei ere".
Azkenik, Arrasateko Udalaren laguntza ere eskertu dute. "Udalaren laguntzarik gabe, irailaren 26tik urriaren 1era bitartean egin diren kultur eta jai ekitaldi guztiak antolatzea ezinezkoa izango litzateke".
Eskerrak emateaz gain, azkenik, azpimarratu dute Pertsona Nagusien Astearen balorazioa "oso positiboa" izan dela.