Zapore gozoa utzi die Arrasate Aikido taldeko arduradunei asteon egin dituzten ate irekiek. Urte osoan zehar egongo da borroka arte hau probatzeko aukera: "Izan ere, maila fisikoan, teknikoan edo mentalean egiten dugun lanak ez du eboluzionatzen edo aurrera egiten taldearen arabera, modu indibidualean baizik. Horregatik ez du axola noiz hasten zaren; garrantzitsuena hastea da".
Astelehen eta asteazkenero jardungo dute, 17:30etik 18:30era neska-mutilek, eta 18:30etik 20:00era adinez nagusiak direnek. Talde horrekin entrenatuko lukete defentsa pertsonala lantzera animatzen diren emakumeek.