Arrasate Rugby Taldeko beteranoak diren Herensugeek mende erdiko urtemuga ekitaldiei jarraipena emango diete ostiraletik hasita. 19:00etan elkartuko dira, 19:15ean familia argazkia aterako dute Monte taberna parean eta 19:30ean harrera egingo diete, udaletxean, hiru talde gonbidatuei. Zapatu goizean, berriz, Aretxabaletako Otalora jauregian Mondragon Taldeko kooperatiben aurkezpena ikusiko dute, eta, bazkariaren ostean, 16:00etan, lauko txapelketa jokatuko dute, Mojategin. Lagunarteko neurketen ostean indarrak hartuko dituzte, otordutxoa eta afaria dastatuz, Hotel Mondragonen.
Taldeen aurkezpena
Bestalde, ARTko talde guztiak Seber Altube plazan batuko dira ostiralean, 18:30ean, denboraldi berriko aurkezpen ofiziala egiteko. Bertara joaten diren herritarrek Agirre-etxe harategiko hanburgesa txikiak dastatu ahal izango dituzte, baita egarria asebete ere, barra bat jarriko baitu klubak.
