'Txiki' eta Otaegi gogoan, hilaren 27an mobilizatzeko dei egin du Sortuk

Eneko Azurmendi Barrena 2022ko ira. 22a, 10:15
Iazko ekitaldia, Monterron parkean.

1975eko irailaren 27an, ETAko kide ziren Jon Paredes Manot Txiki eta Angel Otaegi fusilatu zituzten. Hori dela eta, beste urte batez, Sortuk hainbat ekitaldi eta mobilizazio antolatu ditu egun horretarako. Hala, Independentziarako indarra lelopean, manifestazioa egingo dute, 19:30ean Sebero Altube plazatik abiatuta. Gero, 20:00etan, ekitaldia egingo dute Monterronen.

Irailaren 27a "momentu berezia" da ezker abertzaleko komunitatearentzat. "Egun honetan, 1975eko irailaren 27an, Frankoren Erregimenak agindutako azken herio-kondenak gauzatu ziren eta, ETAko kide ziren Jon Paredes Manot Txiki eta Angel Otaegi fusilatu zituzten", adierazi du Sortuk, ohar bidez.

Urtez urte, mugimendu politiko gisa, Euskal Herriarekin duten konpromisoa oroitu eta berresteko baliatzen dute "egun berezi" hori. "Baita, euskal jendartearekin testuinguruaz egiten dugun irakurketa partekatzeko ere. Irailaren 27a Nazio Askapen Mugimenduaren eguna da guretzat".

Horren harira, hainbat ekintza egingo dituzte. Batetik, irailaren 25ean, Nazio Ekitaldia egingo dute Tolosan, Leidor antzokian, 12:00etan, Nehork ez dio Eguri itxaropena kenduko lelopean.

Arrasaten, bestalde, manifestazioa eta ekitaldia egingo dituzte irailaren 27an, martitzena.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak