Bigarren zatia, beraz, maldan gora izan du etxeko taldeak. "Saiatu gara tarte hori jaten, baina ez gara izan gai partidura bueltatzeko. Horrelako kategoria batean, intentsitate falta horiek ezin dira onartu, aurkariak baliatu egiten duelako. Beraz, hori hobetzea dagokigu, minutu guztiak intentsitate handiz jokatu ahal izateko", dio entrenatzaileak.
Orain, ligan zentratzea dagokie arrasatearrei eta gaurko aurkari bera izango dute, hain zuzen, lehen partiduan. Taldea lehiatzeko moduan dagoen arren, pazientzia eskatu du Arri-k."Eraikuntza prozesuan jarraitzen dugu eta denbora behar da taldea guztiz lantzeko. Akats asko egiten ditugu oraindik, erasoan zein defentsan, eta fisikoki ere hobetu gauza asko hobetu behar ditugu".
