Urriaren 3an hasiko dituzte saioak, eta dagoeneko eman daiteke izena. Ikastaroaren helburua da gaur egun Euskal Herriko plazetan egin ohi diren tradiziozko dantza molde guztiak ezagutu eta praktikatzea, "bai astero elkarrekin dantzan gozatzeko, baina batez ere gero edozein plazatan dantzara animatzeko", antolatzaileen esanetan.
Astelehenetan egingo dituzte saioak, Kulturolan, Patxi Monteroren eskutik. 17:30ean dantza-txokoa egingo dute eta 19:00etan, oinarrizko mailako saioak, ikasteko. Aurten, oinarrizko maila horretan, bikoteka egiteko dantzak ikasiko dituzte: lotuan, soltean, kontradantzak, ingurutxoak eta abar. Dantza-txokoan, berriz, denetarik.
Izen-ematea AEDn egin beharko da, 943 77 12 28 telefono zenbakira deituta edo aed@aedelkartea.eus helbidera mezu bat idatzita.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
