Aurten ere aisialdi hezitzaile euskalduna lanabes hartuta eta gozamena zein jolasa oinarri izanik, zutabe dituzten balioen transmisio lanean jarraituko dutela adierazi dute elkartetik. "Euskaltzaletasuna, feminismoa, parte-hartzea, aniztasuna, inklusioa eta heziketa berdea dira hauek".
Sorgunetik abiatuz, Arrasatetik jardungo dutela diote, "betiere eskualdearekiko dugun ardura zein begirada kontuan izanik". Era berean, sormenari eta berrikuntzari ere ezin izan dituzte aipatu gabe utzi, Txatxilipurdiren izaeraren "ezaugarri garrantzitsuak" direla uste baitute. "Hau horrela, herritar zein eragile orok, gure elkarteko ateak irekita izango ditu gure berri jaso eta elkarrekin amestu zein elkarlanean jarduteko", gaineratu dute.