Asteburu ederra dute aurretik Gelman. Gaur abiatu dituzte bertako jaiak Euskal Herria plazan, Txatxilipurdik antolatutako herri kirolekin. Arratsaldean Ttakun txalaparta taldekoek neska-mutilei ikastaro batzuk eman dizkiete. 19:00etan iritsi da denak itxaroten zebiltzaten momentuan: jaietako maskota den saguzarraren jaitsiera.
Ez dio axola izan egun argitan azaltzea. Alderik alde zeharkatu du plaza saguzarrak, adin guztietako festazaleen ikusmiraren aurrean. Balkoi batean lur hartu eta jendea agurtzen hasi da. Ondoren plazara jaitsi da, eta guztien atentzioa bereganatu du segituan.
Go!azen ikuskizunak eta DJ AZ Gaubelak girotuko dute ilunabarra eta gaua gaur Gelman. Bihar, txaranga, puzgarriak, jolasak eta bolo-boloa daude programatuta goizetik eguerdira bitartean. Herri bazkarian hartuko dituzte indarrak, eta arratsaldean apar festan freskatuko dira. Gauean, berriz, su artifizialak eta DJ festa egongo dira denen gozagarri.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak