Trikitilari Gazteen 42. Txapelketa egin zen Zarautzen atzo, irailak 7, eta Mirari Plazaola Torrontegi pandero-jole arrasatearrak eta Irati Arcelus Olano trikitilari lazkaotarrak jaso zuten txapela. Lau bikote elkartu ziren oholtzan eta "maila polita" erakutsi zuten guztiek.
Zarautzen ospatzen diharduten Euskal Astearen barruan jokatu zen trikitilari gazteen txapelketa atzo, Lege Zaharraren enparantzan. Plazaola eta Arcelusen atzetik, bigarren postuan geratu zen Araitz Etxaniz Azpiazu azkoitiarrak eta Enaitz Alberdi Alkorta azpeitiarrak osatutako bikotea.
Epaimahaia Imanol Urkizuk eta Edurne Iturbek osatu zuten eta saria banatu zien Leire Arana zinegotziak.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
