Larunbata arratsaldean eta igande goizean jokatuko dituzte norgehiagokak, infantil neskekin hasi eta senior mutilek amaitu arte. Hona hemen neurketen ordutegia:
- Zapatuan, 15:45ean, emakumezko infantiletan, Arrasate eta Bergara aurrez aurre.
- Zapatuan, 16:55ean, emakumezko kadeteetan, Bergara eta Eharialdea B –gasteiztarrak– aurrez aurre.
- Zapatuan, 18:15ean, emakumezko kadeteetan, Arrasate eta Eharialdea aurrez aurre.
- Zapatuan, 19:35ean, gazte mailako emakumezkoetan, Arrasate eta Eharialdea aurrez aurre.
- Domekan, 10:00etan, gizonezko kadeteetan, Arrasate eta Ordizia aurrez aurre.
- Domekan, 11:30etan, gazte mailako gizonezkoetan, Arrasate eta Ordizia aurrez aurre.
- Domekan, 13:00ean, senior mailako gizonezkoetan, Arrasate eta Gure Auzune –gasteiztarrak– aurrez aurre.
Gainera, senior taldearen partiduan taldea duela bi urte utzi duten jokalariei omenaldia egingo diete, baita aurreko entrenatzaileari ere.
Gaztetxoei begirako festa
Neurketez gain, 2007 eta 2010 urteen artean –biak barne– jaiotako neska-mutilentzat jolasak eta txapelketak prestatu ditu Arrasate Eskubaloik. Ekintza horiek irekiko dute Pitxi txapelketa, zapatu goizean, 10:00etatik 13:00etara Iturripeko kiroldegian. Festan parte hartzeko, izena eman beharko da aurrez, irailaren 9a baino lehen, 619 67 26 96 telefonora idatzita. Hona hemen ekitaldian parte hartzera animatzeko prestatu duten bideoa.