Arrasate Trikitixa Eskolako panderojoleak bigarrenez jantzi du lehiaketa honetako txapela, 2019an ere bikoterik onena osatu baitzuen Arcelus lazkaotarrarekin. Sariketetan duela lau urte parte hartzen hasi zenetik, zortzigarren garaikurra eraman du etxera 18 urteko gazteak.
"Elkarren artean ondo" ezagutzen diren bost bikote aurkeztu ziren domekan Errezil eta Tolosa artean dagoen Goiazko gazte mailako III. trikiti txapelketan. Partaideek hiru pieza interpretatu behar zituzten, trikiti eta porrusalda estilokoak derrigorrez, eta fandango edo arin-arina aukeran. Arrasatearrak eta lazkaotarrak 54 puntu batuta irabazi zuten txapelketa, Maitane Iturrioz eta Eider Amenabarri bost puntuko aldea aterata.
Irailaren 7an Zarautzen eta 18an Hernanin beste horrenbeste egiten saiatuko da Plazaola. Ea orduan ere maila txukuna erakusten duen.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
