Sergio Crespok azaldu duenez, oinarrizko ikastaro bat egitea eskatu zieten Avesanteseko kideek. "Argazki kamera bat erosi eta zerotik hasten den pertsona batentzako moduko saioa izan da". Gaineratu du "ezinezkoa" dela argazkigintza bere osotasunean azaltzea.
Argazkigintza munduan hasiberria den bati Crespok ematen dion gomendio nagusia zera da: "Bidean eta prozesuan disfrutatu dezala. Apurka-apurka ikasten joango da, beraz, bideaz gozatzea gomendatuko nioke".
Orain, udako oporretan, gaur ikasitakoa praktikan jartzea tokatuko zaie ikastaroa jaso dutenei eta bueltan beste saio bat egingo dutela aurreratu dute, atera dituzten hainbat argazki aztertu eta guztien artean partekatzeko.
Artgazkiko kideak nabarmendu du pozgarria dela halako auzo elkarte bat haiekin harremanetan jartzea. "Gure helburuetako bat da herritarrengan argazkilaritzarekiko zaletasuna piztea, beraz, eskertzen dira halako iniziatibak", erantsi du.