2020an, "une batez mundua gelditu zenean", Fagor Automation bi produktu berriren nazioarteko merkaturatzea prestatzen ari zen: Quercus eta Series 3. "Asmoa zen mundu osoko sektoreko hainbat azokatan aurkeztea produktuak, baina, mundu mailako krisi egoera berriaren aurrean, ordura arteko plangintza guztia bertan behera geratu zen, eta Fagor Automationeko eta Adakiko lantaldea irtenbide berrien bila hasi zen", azaldu dute Fagor Automationeko kideek. Modu horretan, kanal digitalen bidez, zerotik sortutako estrategia batekin, mundu osoko bezero eta bezero potentzialengana iristeko modu berriak bilatzen hasi ziren, eta horrela jaio zen Open to your world.
Webinar-en, eta herrialde bakoitzari egokitutako komunikazio eta marketin estrategia baten bidez, munduko bederatzi herrialdetan aurkeztu ziren produktu berriak: Espainian, Italian, Alemanian, Portugalen, Brasilen, Taiwanen, Japonian, Korean eta Txinan.