Eguerdian Jokin Zaitegi plazan emanaldi berezia eskaini dute. Isats-pianoa izan da protagonista Paul San Martin eta Greg Izor musikarien eskutik, eta kontzertua 13:00etan izan bada ere, herritar ugari elkartu dira itzalpean.
Zero kilometro
Honelako jaialdi bat antolatzea "lan handia" dela aitortu du Ibai-arteko Jon Apraizek, baina zalantza barik "merezi" duela. Ekimenaren baitan, etxekoak mimatu eta zero kilometroaren aldeko apustua ere egiten dutela esan du Apraizek. Horien artean daude irudietan ikus daitezkeen Elen's River Dixieland Band eta Los Zarrios talde arrasatearrak.
Bihar, domeka, amaituko da jaialdia. Swingtronic taldeak 13:00etan emango duen kontzertua eta Jac-ek 19:00etan, biak Arbolapetan.
