Egitarau zabala
Gaur, bihar eta etzi ospatuko dituzte Santa Marinako jaiak, eta zapatu gaueko musika jaialdia izango da plater nagusia, Iluminatizz eta Subversion X taldeen emanaldiarekin. 21:30ean izango da hori, Makatzenako frontoian.
Edozelan ere, musikaz gain, eskaintza zabala izango da eta Sambamañak eta Euskaraldiak bat egingo dute, lorpenen kalejira auzora eramanez. Batukadak girotuta egingo dute hori, bihar, 13:00etatik 15:00etara, eta domekan ere emango diete aukera herritarrei haien bizipenak panelean jartzeko. Nabarmentzeko beste ekintzetako bat Egipe elkartean egingo duten ate irekien jardunaldia da, artisau garagardoaren eta pintxoen dastatzearekin –zapa- tuan 10:00etatik 13:30era–. Halaber, bihar 11:00etatik aurrera puzgarriak egongo dira Santa Teresako patioan eta 18:00etan apar festaz gozatzeko aukera izango dute haurrek.
Adinekoentzako egitarauari dagokionez, bihar, barbakoa egingo dute Toki Argi erretiratuen elkarteko terrazan, 14:00etan hasita, baita domeka arratsaldean ere, 19:30ean, eta domekan, 65 urtetik gorakoentzako bazkaria egingo dute Mesedetako Ikastetxean. Era berean, domekan, 13:15ean, hildako auzotar guztien omenezko meza egingo dute Mesedetako Ikastetxean. Ilunkeran, mariatxiak egongo dira.
