Kopuru hori dirulaguntza kuotaren %90 dela azaldu du Udal Gobernuak, eta gehienez 200 euro eman dituela haur bakoitzeko. "Gainerako %10 familiak ordaintzen du. Udalak zuzenean ordaindu dizkie udalekuak antolatzen dituzten tokiko elkarteei emandako dirulaguntzak".
Laguntza jasotzeko, familien urteko diru-sarrera gordinek ezin zituzten zenbateko hauek gainditu: bi pertsonako bizikidetza-unitateak, 20.000 euro; hiru pertsonako bizikidetza-unitateak, 26.000 euro, eta lau pertsona edo gehiagoko bizikidetza-unitateak, 30.000 euro. Horren arabera bideratu ditu laguntzak Gobernuak.
Maitane Muñoz Garapen Komunitarioko zinegotziak adierazi duenez, helburua izan da haur bat ere ez geratzea udalekuetara joateko aukerarik gabe. "Aisialdi, kultura eta kirol eskaintza hau hezkuntza ez-formalaren esparruan kokatzen da eta haur askorentzat onuragarria izan daiteke, bere garapen integralean eragin positiboa izan dezakeelako". Gaineratu du udalekuetan ikasi eta ondo pasatzeaz gain, pertsonen arteko harremanak sustatzen direla eta balio asko lantzen direla. "Oporretan, udalekuek aukera ematen diete haur askori euskaraz bizitzen jarraitzeko, eta eragina izan dezakete euskaraz integratzen".