Pertsona guztien eskubideak defendatzen dituela adierazi du ohar bidez, baita sexu aniztasun arloan ere. "Oraindik ere, LGBT+ pertsonek erasoak, irainak edota txantxak jasotzen dituzte, bakarrik ezberdinak izateagatik. Arrasaten argi utzi nahi dugu edozein pertsona maitatu dezakegula, aipatutako gertakariak ez onartuz".
Bide horretan "asko egiteke" dagoenez, gaurko eguna ospatzeaz gain, salatu eta aldarrikatzeko ere badagoela azaldu du Udal Gobernuak. "Hortaz, Arrasateko Morbor transmaribibollo kolektiboaren agerraldira gonbidatzen zaituztegu". Herriko plazan izango da, 19:30ean. Azkenik, adierazi dute, edozein egunetan beharrik egonez gero, talde horrekin edota Sexologia Zerbitzuarekin jarri daitezkeela harremanetan herritarrak.