Espainiako bluesaren eszenan aho soinua jotzen duen emakume bakar bezala aurkeztu du Ibai-Artek Sweet Marta. The Blues Shakers, berriz, bluesaren erroak bizirik dirauela erakusten duen banda da, George Armónica Smith, Koko Taylor, Bobby Blue Bland eta Junior Wells bezalako artisten kantuak interpretatzen baititu, sorkuntza propioko abestiekin batera. Beraz, bien arteko sinbiosiak "lokomotora" baten itxura hartzen du, Come Love eta Hoodoo Girl Blues izeneko albumekin adierazi duten moduan.
Gainera, Arrasate Blueseko kamiseta eskuratzeko aukera egongo da kontzertuan zehar.
Egitarau aparta
Uztaileko beste bost egunetan egongo da bluesa lantzen duten talde gehiagoz gozatzeko aukera, Ibai-artek Arrasateko Udalaren eta Eusko Jaurlaritzaren Turismo, Merkataritza eta Kontsumo Sailaren laguntzarekin antolatu duen zikloaren baitan.