Atzo argitaratutako bideoklipa Arrasateko Belun estudioan grabatu dute, Jessica del Camporen zuzendaritzapean eta Itziar Bastarrikak grabatu eta editatuta.
'Dena aldatzen da'
aldatzen da azalekoa, / muina ere aldatzen da;
aldatzen da pentsaera, / munduan dena aldatzen da.
klima aldatzen da aroz / eta artaldeak zelaiz;
dena aldatzen da, beraz /ez harritu aldatzen banaiz.
eskuz esku aldatzen du / dirdira diamanteak,
txoriak habia eta / arnasa amoranteak.
ibiltariak bidea / aldatu egiten du maiz;
dena aldatzen da beraz, / ez harritu aldatzen banaiz.
dena aldatzen da, / dena aldatzen da...
dena aldatzen da, / dena aldatzen da…
gauez aldatzen da aldez / eguzkiaren sarea;
udaberrian soinekoz / aldatzen da landarea.
piztiak ilajez eta / aitona zaharrak bisai(a)z,
dena aldatzen da, beraz, / ez harritu aldatzen banaiz.
ordea, ez da aldatzen / ezergatik nire grina;
nire herriaren memoria, / nire jendearen mina.
bart aldatu zenak bihar / aldatzen segi dezala,
paraje urrunotan ni / aldatu naizen bezala.
dena aldatzen da, dena...
Sarean
Hainbatek txalotu dute Osinagaren lan berria sare sozialetan.
Ederra, bai! Mercedes Sosa zenaren "Todo cambia" abestiaren euskarazko bertsioa. Miren Amurizaren letra. Metamorfosiaren eta pertsona gisa haztearen alde!!!
— Aritz Larreta Bereziartua (@latukoaritz) June 21, 2022
Eta zenbat aldatu garen Inesen ahotik lehenengo aldiz entzun gauenetik, eta eskerrak!
— Haizea Arana (@haizeArana) June 21, 2022
Dena aldatzen da: https://t.co/ZWKsg5JDu0