Herriko gaztetxoek 383 lan aurkeztu dituzte, guztira, AED elkarteak 35. aldiz antolatu duen lehiaketara. Sari-banaketa 19:00etan hasiko da, eta Helena Azkarragaurizar izango da gonbidatu berezia. Antolatzaileen hitzetan, "aspaldiko parte hartzerik altuena" izan du aurtengo lehiaketak. Horregatik adierazi dute eurentzat "parte hartzaile denak" direla irabazle. Era berean, esker oneko azaldu dira gaztetxoak parte hartzera animatu dituzten senide eta irakasleekin, baita epaimahai lanetan aritu direnekin ere.
Honako hauek dira hamazortzi finalistak: narrazioetan, Aimar Moreno, Jare Urrutia, Ainara Revilla eta Andoni Osinalde; ilustrazioetan, Ilargi Bengoa, Anne Sofia Daza, Ane Fernandez eta Jare Berezibar; bertso paperetan, Ane Aranzabal eta Jare Urrutia; mikroipuinetan, Oier Armendia, Nora Zeziaga, Oihane Bengoa eta Ainhize Ibabe; poesian, Alaitz Etxebarria, Alaitz Sanchez eta Ane Sologaiztoa; eta komikian, Nahia Davila.