Arrasaten erroldatuta dauden 80 urtetik gorako herritarrek omenaldia jasoko dute ekainaren 24an Etxaluze eraikinean, San Juan jaien baitan. Udaletik jakinarazi dute, omenaldia jaso ahal izateko, izena eman beharko dela ekainaren 17a baino lehen, BAZen 943 25 20 00 telefonoan edo udal webgunean.
Ekitaldia 12:30ean hasiko da, eta alkateak agurrarekin emango dio hasiera. Ondoren, omenduak izango diren emakume eta gizon nagusiei lore sorta bana banatuko diete. Amaitzeko, Abaroako abesbatzak emanaldia eskainiko du, eta gero luntxa egingo dute.
Izena ematen duen orori gonbidapen bat banatuko zaie, eta "ezinbestekoa" izango da agiri hori omenaldira eramatea Etxaluzeko eraikinean sartu ahal izateko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.