Azken eraso honetan ama erail duen semea gezurretan aritu izana salatu dute bereziki: "Beste behin ere, gure gizartearen egitura patriarkala agerian geratzen da gizon batek, kasu honetan bere amaren aurka erabilitako indarkeria erabiltzen duenean; eta gizonak ezkutatu egiten du, gainera, heriotza erorketa baten ondorioz gertatu zela, benetan gertatutakoa ezkutatuz".
Erantzun kolektiboaren beharra
Euskal Herriko Emakumeen Mundu Martxak egindako irakurketan, erantzun kolektiboa azpimarratu dute: "Erantzun kolektiboak eskatzen jarraituko dugu, bai erakundeei eta administrazio publikoei; are gehiago zerbitzu publikoekin eta, batez ere, bizitzaren zaintzarekin zerikusia duten zerbitzuekin, egun bizi dituzten atzerakadak ikusita.
Hala ere, Emakumeen Mundu Martxatik eta mugimendu feministatik, oro har, indarkeriarik gabeko bizitza izateko eskubidea aldarrikatzen jarraitzen dugu, eta aldarrikatzen jarraituko dugu, bizitza, zaintzak eta askatasuna ardatz bezala aldarrikatuz. Nazkatuta batzuetan nekatuta egon arren, badakigu borrokatzen eta kalera irteten jarraitzea besterik ez dugula".