Atzo, zapatua, Gipuzkoako federazioak antolatutako Benjamin mailako (LH3-LH4) Hiroshima kopa jokatu zuten Usurbilen, eta Arrasate Judo Elkartekoek emaitza bikainak lortu zituzten. Izan ere, hamar judoka aritu ziren lehian, zortzi urrezko domina eta zilarrezko bat eskuratuz. "30 borrokalditatik 29 Ipponez irabazi zituzten , maila oso altua erakutsiz", nabarmendu dute elkarteko kideek.
"Taldearen helburua zen urtean zehar ikasi eta landutakoa onenen artean praktikan jartzea eta, batez ere, ondo pasatu eta lagunak egitea", azaldu dute. Helburua, beraz, beteta geratu da.
Honako hauek dira parte hartu duten judokak eta emaitzak:
Nora Davila: Urrea.
Jare Arrotxa: Zilarra.
Maialen Bergara: Urrea.
Ane Aranegi: Urrea.
Iker Aranegi: Urrea.
Markel Arrieta: Urrea.
Aimar Beraza: Urrea.
Hodei Ramos: Urrea.
Ibai Marzana: Urrea.
Unax Teixeira: dominarik ez.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.