Bi emanaldi desberdin eskainiko ditu ostiralean Arrasate Musikal elkarteak, taldearen 50. urteurrena betetzen ari den 2022 urte honetan. Bi emanaldiak Arrasaten eskainiko dituzte.
Hezkuntza anitzekoek hasi, ondoren ballet
Lehenengo, hezkuntza anitzeko ikasleek kontzertu hunkigarri bat joko dute Musika Eskola arratsaldeko 18:00etan. Zalantzarik gabe, ikasleentzako kontzerturik bereziena da hau, ikasturte guztia egoten baitira emanaldi honen zain. Domentx Ucin eta Olaia Ramos dira arduradunak.
Ondoren, arratsaldeko 19:00etan ballet taldeko 90 bat ikaslek emanaldia eskainiko dute Amaia Udal Antzokian. Ikasleek koreografia eta musika bikainak eskainiko diote ikuslego arrasatearrari.