ISEA garapen teknologikoa, berrikuntza eta ekintzailetzaren bitartez enpresen lehiakortasuna hobetzeko ahaleginean diharduen zentroak jardunaldi bat antolatu du bihar, martitzena, LKSren eraikinean. 10:30ean hasita, berrikuntza sozialeko proiektuetan teknologiak duen eragina eta egiten dituen ekarpenak izango dituzte hizpide.
Bi orduz hiru emakume arituko dira beraien esparru eta esperientzietatik hizketan. Hona hiruren izen, kargu eta aurkezpenen izenburuak:
- Sain Lopez (Mondragon Team Academy) - Ekintzailetza eta gizarte-berrikuntza: iragana eta etorkizuna
- Ana Arroyo (Tecnalia) - Herritarren parte-hartzea errazteko nahiz teknologia gizarteari hurbiltzeko tresnak
- Blanca Vega de Seoane (Emaus) - Gizarteratzeko ekonomia borobila: sareko lankidetza-eredu berriak
Izen-ematea, zabalik
Interesa duen orok izango du saioetara joateko aukera, baina beharrezkoa da izena ematea. Horretarako, mruiz@isea.eus posta helbidera bidali behar da mezua.
