Monterron parkera eraman dute aurreko astean batutako uzta eta jabe berrien artean banatu dituzte askotariko jolasetarako tresnak. "Oso pozik gaude, 70 jostailu inguru batu genituen eta ari gara poliki-poliki guztiak banatzen. Puzzleetan eta peluxe-panpinetan izan dugu aukerarik handiena, baina bestelako gehiago ere bai: errugbian jokatzeko baloia, haur txikiendako askotariko jostailuak, patineteak... Jostailuak trukatzeaz gainera, jolas erraldoi batzuk ere prestatu ditugu, eta gustura asko ibili gara jolasean", azaldu dute ekimenaren sustatzaileek.