Urrezko domina Portugalen, denboraldia borobiltzeko

Aitor Madinabeitia, Portugalen, borroka batean.

Saioa Karate Taldeko Aitor Madinabeitia karatekak urrezko domina eskuratu zuen joan den asteburuan Trofa hirian jokatu zuten Portugalgo II. Kyokushin Openean, 70 kiloz azpiko Kumite modalitatean. Europa osoko 100 parte-hartzaile inguru aritu ziren orotara txapelketan.

Hiru borroka gogor lehiatu ostean, Aitor Madinabeitiak lehen postua lortu zuen. Gogoratu behar da kyokushinkai estiloan babes barik lehiatzen dutela, KOra. "Garaipen honekin, denboraldi ikaragarria borobildu du, nazioarteko hainbat txapelketa eta hainbat domina lortuta", adierazi du Carlos Sanchez entrenatzaileak.

Podiumean, garaipena ospatzen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.