Ostegun honetan, maiatzak 19, Gailu taldea izango da Arrasateko gaztetxean, 22:00etan, Kooltur Ostegunak ekimenaren baitan. bIDEhUTS kultur elkartearen bidez kaleratutako 'Begiak, Egiak Ba Ote?' diskoko abestiak aurkeztuko ditu hirukoteak.
Musika abentura ezberdinetan ibilitako hiru musikarik –Mikel, Okene eta Drake– berriz bat egin dute, ia 20 urte lozorroan egon den egitasmoa berpizteko. Entsegu lokaleko esperimentazio eta jolasak dituzte ardatz, ahotsa, bateria, baxua eta samplerrak erabiliz musika-tresna gisa.
Zuzeneko emanaldietarako Marianok Drake ordezkatuko du, power trio eran Andoaingo Garate baserrian grabatutako diskoa zuzeneko bizian taularatzeko.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.