Aurtengoa desberdina izango da. Izan ere, Arizmendiko kideek aspaldian zeukaten ideiari forma eman eta jaialdia kalera atera dute. Partaideei dagokienez, Santa Teresako HHkoak, Arimazubiko LH 1.ziklokoak, Almeneko LH 2.ziklokoak eta Gaztelupeko DBH eta batxilergoko ikasleak izango dira.
Aurreko edizioetan inguruko ikastetxeak gonbidatu izan dituzte Amaia antzokira kantatzera, baina oraingoan, formatu berrian lehen aldiz izanik, Arizmendiko ikasleekin bakarrik egitea pentsatu dute. "Balorazioa positiboa izaten bada, datozen ikasturteetan beste ikastetxeei ere gonbidapena egite aurreikusten dugu", gaineratu dute.
Bi ibilbide posible
Eguraldiaren arabera egin ahal izateko bi ibilbide antolatu dituzte. Eguraldi ona egiten badu, Portaloian, Arbolapetan, Herriko plazan, Laubide plazan eta Biterin egongo dira. Aldiz, euria egiten badu, Uarkapeko arkupean, Jokin Zaitegi plazan, udaletxeko arkupean, Parrokiako arkupean eta Biteri plazan.