Azkeneko hiru urteetan bezalaxe, Lehen Hezkuntzako bosgarren mailatik DBH2ra artekoek hiru atal izan dituzte aukeran: narrazioa, ilustrazioa eta bertso-paperak. DBH3 eta Batxilergoko bigarren ikasturtera arteko gazteek, aldiz, mikroipuina, poesia eta komikia.
Parte-hartzea Lehen Hezkuntzako zikloan igo da nagusiki, ilustrazio eta narrazio ataletan, hain zuzen. "Ifrentzua komikietan egon da beste urte batez, lan bakarra aurkeztu baita". Hau izan da, zehazki, sail bakoitzean egon den parte hartzea:
- Narrazioak: 114 lan
- Ilustrazioak: 188 lan
- Bertso-paperak: 35 lan
- Mikroipuinak: 34 lan
- Poesia: 10 lan
- Komikia: lan bakarra
Une hauetan, lanak epaimahaien esku daude. Urtero bezala, hainbat irakasleren eta sortzaileren laguntzarekin osatu dituzte:
- Narrazio lehiaketa, Arizmendi ikastolako gune ezberdinetako irakasleak.
- Ilustrazioa, Olatz Zuazubiskar, Libe Argoitia, Helena Arkarragaurizar, Oier Zuñiga eta Arrasateko Institutuko artistikoko mintegiko irakasleak.
- Bertso-paperak, Unai Bergaretxe, Xabi Betzuen eta Olatz Ibarluzea.
- Mikroipuinak, Arrasate Herri Eskolako irakasleak.
- Poesia, Arrasateko institutuko Euskara mintegiko irakasleak.
- Komikia, Igor Leturia eta Julen Ribas.
Sari banaketa, esan moduan, ekainaren 21ean izango da, 18:30ean, Kulturaten.
