Datorren eguenean, maiatzak 19, Ohiko Batzar Nagusia egingo du Arizmendiarrietaren Lagunak Elkarteak Arrasateko Garaia Berrikuntza Gunean. Zuzendaritza batzordeak adostutako gaiak izango dituzte hizpide: batzarreko akta onartzeko bazkideak izendatzea, 2021eko kudeaketa txostena eta urteko kontuak aztertu zein onartzea eta 2022ko Kudeaketa Plana aztertu zein onartzea. Galde-esketarako tartea izango da amaieran.
17:30erako egin dute lehen deialdia, eta beharra egongo balitz, 18:00etarako deitu dute bigarren deialdia.
Hitzaldia, ostean
Batzar Nagusia amaitzean –19:00ak bueltan, antolatzaileen arabera–, eta Garaia Parke Teknologikoan bertan, Javier Sotil Mondragon Korporazioko presidente ohiak gizartearen etorkizuneko erronkak begirada kooperatibotik aztertuko ditu Suspertzen. Ispilu kooperatiboa hitzaldian. Herritar guztiek dute hitzaldira joateko aukera.