Debagoieneko Ezker Kultur Gunean erakusketa bat irekiko dute bihar, eguaztena, 17:30ean. Kubako kooperazio medikoa eta Milagro Operazioa izango dira ardatzak, eta hilaren 31ra arte egongo da ikusgai. Programa horren bitartez, operazio oftalmologikoak egiten dituzte Latinoamerikako eta Karibeko 30 herrialdetan, baliabide gutxiko herritarrei zuzendutakoak.
Euskadi-Cuba erakundeak egindako erakusketa da, beste hainbat eragilerekin elkarlanean. Ebakuntza jaso duten pertsonak agertzen dira erakusketan, baita Kubako Medikuntzako Eskola Latinoamerikarrean formatutako langile argentinarrak, programaren sustatzaile izan diren amak eta boluntarioak ere. "Elkartasunez beteriko lan horretaz gozatzeko aukera izango dute arrasatearrek", azaldu dute.
Ordutegiari dagokionez, astelehenetik eguenera egongo da ikusgai, 17:30etik 19:00etara. Bihar, eguaztena, inaugurazioarekin batera, Operacion Milagro: Solidaridad medica de Cuba en Argentina liburua oparituko diete ikusleei.
Osasun komunitarioa lantzen duen doako proiektua da Operacion Milagro eta sei milioi pertsonaren bizi-kalitatea hobetzen lagundu du, horietatik 50.000, argentinarrak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
