Ezkiña tabernak, Arrasateko harategiek (Azpilikueta, Landaluze, Otamendi eta Saburdi) eta Ibai-artek indarrak batu dituzte Geraldine musikaria Arrasatera ekartzeko. "Bossa Nova musika onarekin girotutako ekitaldi ahaztezin bat izango da, eta HÓ BÁ LÁ LÁ lana eskainiko digu", nabarmendu dute.
HÓ BÁ LÁ LÁ nazioartean "Bossa Novaren aita" deitzen zaion Joao Gilberto abeslari eta gitarra-joleari egindako omenaldia da. Geraldine kantari gasteiztarrak eta Ricardo Urrutia gitarra-jotzaile frantsesak sortu zuten proiektu hau, Gilberto hil ondoren. 2019. urtearen amaieran, omenaldi-disko bat grabatu zuten Iñaki Echegoyen saxofoi-jotzailearen laguntzarekin.
1.200 pintxotik gora banatuko dituzte zapatuan: txorizoa, txistorra, txerri-saiheski dota hirugihar pintxoak. "Une atsegin bat igaro nahi duten guztiak gonbidatu nahi ditugu gure harategietako produktuez gozatzera".
