Harreman dendak bat egingo du bidezko merkataritzaren egunarekin

Bihar da Bidezko Merkataritzaren Nazioarteko Eguna. Horren harira, "hirugarren munduko hainbat eta hainbat familia zein komunitateentzat, justizia sozial eta ekonomikoan oinarritutako merkataritza honek duen garrantzia" azpimarratu du du Harremanek.

Lurralde txiroetako nekazariei irtenbide duina ematen saiatzen den mundu mailako mugimendua da bidezko merkataritza. "Elikagaiengatik prezio justua ordaintzen zaie, espekulaziorik gabe, nekazariek baldintza egokietan lan egin dezaten, soldata duinekin, gizon eta emakumeen arteko parekidetasuna bultzatuz, sistema kooperatiboak antolatuz, haur eta zaharren lana desagerraraziz eta natura, produkzio arduratsu eta ekologikoekin babestuz".

Harremanetik adierazi dutenez, kontsumitzaileek asko egin dezakete zentzu horretan, "besteen lepotik aberasten diren marka komertzialak gutxietsiz eta bidezko merkataritzako produktuak erosiz". Horrez gain, baina, instituzio publiko, eragile sozial eta enpresei ere, inplikazioa eskatu diete, "hau da, bidezko merkataritzak merezi duen bultzada eta babesa ematea".

Merkataritza sustatu eta ohiko merkataritzari pertsonen eskubideak eta natura errespetatzera behartuko dion legedia garatzea beharrezkoa dela nabarmendu dute Harreman elkartetik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.