Zapatuan, 18:00etan hasita, jokatuko dute Bilboko Casilla kiroldegian ligako azken neurketa Iñaki Ogarak zuzentzen dituen jokalariek, eta aurrean Mazarredo Fisioterapia Unamuno taldea izango dute. Ez da, ordea, denboraldiko azken partidua izango, datorren asteburuan Euskal Ligako lehenengo mailara igotzeko lauko finala izango dute-eta jokoan.
Erabakitzeko falta dena da zein kantxa izango den kanporaketen eszenatoki. Ointxe!-k Unamunori irabazten badio, sailkapeneko bigarren postuari eutsi eta lauko finalaren enbaxadorea izango da Iturripen, baina galduz gero, litekeena da etxetik kanpo jokatu behar izatea.
Marea moreak badaki haizea aldeko duela. Domekan Logroñoko Maristak jipoitu zituen, eta biharko aurkariei joaneko partiduan irabazi egin zien.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.