Arrasate Errugbi Taldeak bere 50. urteurreneko ospakizunak egingo ditu zapatuan, egun osoko egitarau batekin. Lehenik, 11:15ean Mojategin elkartuko dira eta, 11:30ean, ohorezko aurreskua egingo diete. Gero, familia argazkia aterako dute eta omenduek ohorezko sakea egingo dute Kanpanzar ART eta Izarraren arteko itzuliko partiduaren aurretik.
13:00etan, berriz, aitortza ekitaldia egingo diete udaletxean eta gero, 14:00etan, Txalaparta elkartean bazkalduko dute.
Itzuliko partidu erabakigarria
Kanpanzar Arrasate errugbi taldea Euskal Ligako lehen mailako lauko finala jokatzen ari da, lehia erregularrean laugarren geratu izanagatik. Sarako Izarra egokitu zitzaion finalerdietan, eta joaneko partiduan, aurreko asteburuan, galdu egin zuen kanpoan, 39-15.
Beraz, Julen Barrutiaren mutilek 24 puntu baino gehiagoko aldearekin irabazi beharko diote zapatuan, 12:00etan hasita, Iparraldekoei, kanporaketako finalerako sailkatu nahi badute.
Neurketaren garrantziaz jabetuta, Mojategiko harmailak bero-bero egotea espero dute jokalariek, eta gogoz animatzeko deia zabaldu diete zaleei.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
