"Euskararen aldeko hautua egin nahi duten guztiei" gonbidapena egin die Geikek maiatzaren 10ean, martitzena, 18:30ean Kulturaten egingo duten bilerara joateko, Arrasateko Euskaraldia antolatzen hasteko saiora, hain zuzen. "Ordu eta erdiko saio izango da gehienez ere, guztiz praktikoa, zer egin nahi dugun eta nola antolatuko garen adosteko alegia", azaldu dute.
Nabarmendu dutenez, euskararen urtea izaten ari da 2022a eta, Korrikak berpiztu dituen gogo eta indarraren lekukoa hartuko du Euskaraldiak, azaroaren 18tik abenduaren 2ra, Hitzez ekiteko garaia lelopean. "Euskaraldia herriak egiten du eta aberasgarria izango da guztion ikuspuntuak eta ekarpenak elkarbanatu ahal izatea. Beraz, maiatzaren 10ean parte hartzera animatzen zaituztegu!", gaineratu dute.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.