Maiatzaren 13ko asteburuan ospatuko dituzte aurten Musakolako jaiak eta horiek girotzeko eta koloreztatzeko polo berriak salgai jarriko dituzte datorren astean, Erretiratuen Plazan. Helduen poloak hamabi euro balioko ditu eta haurrenak, hamar. Zapiak ere egongo dira salgai, hiru eurotan.
Maiatzaren 2an, 3an, 5ean eta 6an Erretiratuen Plazan jarriko dute salmenta postua, 17:00etatik 19:00ak arte. Maiatzaren 7an ere leku berean salduko dituzte poloak, baina 11:30etik 13:30era. Maiatzaren 8an, goizean, Legarra plazan izango dira.
Horrez gain, Musakolako taberna guztietan eskuragarri izango dira pin-ak (bi euro), pegatinak (bi euro) eta zapiak (hiru euro).
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.