Euskalgintzari helduko diote 'Karkabatik herria' solasaldi-zikloaren hurrengo saioan

Hasier Larrea 2022ko api. 20a, 12:18
Xabi Iraola Larraia.

Irati topalekuak antolatzen duen egitasmoaren hirugarren hitzordua izango da datorren asteazkenean, apirilaren 27an, 19:00etan, garatuko dena. Xabi Iraola Larraiak, Sortuko kideak, gidatuko du solasaldia, eta 'Euskalduntze prozesua arnasberritzen, ezkerretik eta independentismotik' dokumentuko ideiak izango ditu hizpide.

Sortu erakunde politikoak Plaza Hutsa egitasmoan gogoeta kolektiboa egin eta euskalgintzako eragileekin hausnarketa partekatu ondoren idatzi duen dokumentua da Euskalduntze prozesua arnasberritzen, ezkerretik eta independentismotik izenekoa. Bertan jasotako ideiak ez ezik, "aurtengo Korrikak sortutako mugimenduaz, datozen asteetarako euskararen eremuan deituta dauden mobilizazioez zein Euskal Herriak behar duen hizkuntza politika berriaz" jardungo dute saioan zehar.

Irakurgaia jaso nahi duenak Irati topalekuan aurkituko du formatu fisikoan, baina pdf-a ere deskarga daiteke artikuluaren azpian.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak